மயிலிறகு பக்கங்கள்

என் புத்தகத்தில்
ரகசிய பக்கங்கள் என்று எதுவுமில்லை
பால்யத்தில்
ஒளித்து வைத்திருந்த ஒரே ஒரு மயிலிறகு

இப்போது குட்டிபோடத் தொடங்கிவிட்டது
மளமளவென்று
வாங்கி வாங்கி அடுக்க வேண்டும்
நிறைய நிறைய புத்தகங்கள்

பின்னொருநாள் நீங்க்ள் கேள்விப்படக்கூடும்
புத்தகங்கள் மயிலிறகுகள் ஆன கதைகளையும்
மயிலிறகுகள்
ஒரு ஆண்மயிலான கதைகளையும்
அந்த ஆண்மயிலுடன்
நான் வனமேகிய கதைகளையும்.